樓市頂得住皆因有三大支柱 “樓市頂得住皆因有三大支柱”不是我說講，而是某財經周刊的文章所指出:1) 未來新盤供應緊絀，發展商守貨如玉。2) 二手樓價十年以來猶如拉牛上樹，根本沒有下跌空間。3) 短期利息易跌難升，實質按揭利率仍呈負數。 先分析現況，樓市在2008年下跌約10%，股市在2008年下跌約40%。樓市的波動性的確沒有股市這麼大，但可以確定兩者都是下調，不是周刊所說頂得住。周刊亦指出新造按揭利率調上調半厘令，成交本已大幅萎縮的樓市，真不明白周刊又說短期利息易跌難升，自打嘴巴。更奇怪的事周刊用十年前樓價同現在比較，98年都算是高樓價。如果從04年看, 現價確實比04年貴20-30%。 樓價如終離不開經濟 樓價高出一般中產人士不能所負擔，就係脫離現實，亦是有泡沫，有泡沫既最終結果就是爆破。昔日97年就是這情況，如今又只是令一個泡沫爆破。經濟好，收入多，樓價自然可以調高。經濟不好，收入少甚至係無收入，樓價一定唔會高得去邊。呢個現象到現在都無改變過。所以樓市頂唔頂得住，都係睇經濟。至於供求對樓市有一定影響；除左豪宅，一般既樓係必須品，唔係奢侈品，供求影響一定沒有經濟影響咁大。
Archive for the ‘Finance’ Category
樓市 #1
Posted in Finance on 十月 15, 2008 | Leave a Comment »
再見，雷曼兄弟
Posted in Finance on 九月 16, 2008 | Leave a Comment »
今年個中秋不簡單，因為美國出現左一次巨形金融災難。 美國次按問題所引發信貸危機，早前已經令貝爾斯登一早收檔。如今花旗國金融大行如雷曼、美林、AIG撲水告急。率先頂唔住既就係雷曼兄弟。美銀唔救雷曼救美林，另一位白武士巴克萊臨最後縮沙，結果雷曼兄弟賣盤不成，申請破產冚國旗。AIG唔係好得好多，隨時同雷曼兄弟雙雙陪葬，呢鑊野係骨牌效應下應該仲會有下文。歸根究底都係美國樓市爆煲，樓市股市急轉直下，出現次按問題，之前過份進取既投資機構終於受到教訓，要為之前所作的投資撥備。一連串問題不單只係影響美國，而係會令全球經濟拖垮。經濟一直未轉好，問題一直都會存在。不過我所關心既除住股市會暴跌幾多之外，仲想知道如果AIG收左檔，AIA既保單同老強會唔會凍過水。睇D報紙話有個叫保監處，必要時會凍結保險公司資產，以保障保險客戶利益，堅唔堅同做唔做到野，真係到時先知，而家都係聽住先。
